Pernille avslutta med sterk 2.plass

Arkivfoto
Velledalen IL var
representert med Tobias og Pernille Ibsen Lervåg. Tobias sprang 2330 meter i
«Fjellkillingen» ei klasse for nybyrjarar. Og Tobias viste nok ein gong at han
byrjar få dreisen på dette. Neste beste tid (30.45) av 16 utøvarar i klassa lar
seg høyre.

Pernille sprang 6620
meter, og kjempa meir eller mindre heile løpet om klassesigeren med Emblem IL
si sterke Audhild Bakken Rognstad. I mål skilde det fattige 24 sekund i
Emblem-løparen sin favør.

Resultat damer 6 km:

1. Audhild Bakken
Rognstad, Emblem IL, 56.23

2. Pernille Ibsen Lervåg,
Velledalen IL, 56.47

3. Janita Skogeng, Emblem
IL, 1.16.58 Nora Synnøve Woxholth, Asker Skiklubb,
diskvalifisert

Vi nemner at Pernille
gjorde sine saker så godt at tida hennar hadde halde til 2.plass av sju
deltakarar i klasse herrar 6 km.

VIL-Nett gratulerer
o-gruppeleiaren med ein flott sesong. KM-vinnar på mellomdistanse, pallplass i
Midt Norsk meisterskap og topp-10 plassering i VM for veteranar. I tillegg har
ho vore beste kvinne i Konradløpet og Eikenosa Opp og sett klubbrekord for VIL
på halvmaraton i sin eigen heimby, København.

Somme rekk mykje!