Godt oppmøte på Myrdalen

Dei fleste starta turen
frå Lade, der det også var sal av bingo-lappar. Nokre la inn ein ekstra
kilometer med start frå Hole. Ved trimposten like ved sætreelva var det
drikkestasjon. Safta smaka godt før ein gav seg i kast med stigninga. Og truleg
fekk trimboka fleire noteringar enn nokon dag tidlegare dette året.

Vel framme på sætra kunne
trimgruppa by på sveler, kaker, grilla pølser, kaffi og saft. Og sjølv om regnet
heile tida truga, fekk vi òg eit godt gløtt av sola. Borna leika på sætrevollen,
praten gjekk mellom dei vaksne, før store og små gav seg på heimveg.

Eit kjekt arrangement med
god oppslutning som trimgruppa skal ha all ære av. Gi oss fleire slike!