Friidrettsleiaren har konkurrert på Nordmøre

Postet av Velledalen Idrettslag den 3. Aug 2018

Løp er det nok av, dei
fleste stadar i landet. Alf Petter Bøe har feriert i heimetraktene og fått med
seg to løp på Nordmøre i løpet av sommaren. Nemleg halvmaraton på Smøla, som
går under namnet «Norges vakraste halvmaraton», og han har sprunge Olsokløpet
på Ålvundeid.

Arrangøren av løpet på
Smøla må få lov å meine at løpet deira er landets vakraste, men dei har i alle
høve klare manglar når det gjeld å offentleggjere resultatlister. VIL-Nett har
omsider fått tak i dei harde fakta som viser at Knut Hjertvik, OSI, gjorde unna
løpet på 1.17.54 som bestemann. Nærast kom Joakim Skaanes med 1.18.39. Alf Petter Bøe, Rindal IL, vart nummer sju
totalt på 1.27.04. beste dametid hadde Anita Kildahl på 1.28.16.

Olsokløpet på Ålvundeid
vart arrangert laurdag 28.juli, i særs sterk varme. Her deltok fattige tolv
utøvarar. Alf Petter vann klasse 45-54 år på tida 42.32. Einaste som straffa
denne tida var klubbkameratane Jonas Aasbø (40.54) som vinnar av klasse 20-34
år og Kristian Woldvik (35.08) som vinnar av 35-44 år. Beste kvinnetid hadde
Gudbjørg Iversen, IL Ulvungen, med tida 55.42.