Test NM-løypa i Mefjellet opp 22. juli

Valldal IL vert 100 år i
2019. Som eit krydder på jubileumet har laget fått tildelt NM i motbakkeløp.
Eit arrangement som vil bli arrangert 22.juni (11 mnd til) og telje som
kvalifisering til EM i motbakkeløp seinare same år.

Mefjellet Opp har start i
Fjørå. Det er kring sju kilometerlangt med ei stigning på kring 1100
høgdemeter. Løps-underlaget er variert, med i hovudsak asfalt, skogsveg og sti.

Då VIL-Nett sjekka
påmeldinga torsdag morgon hadde 34 løparar meldt seg på. Men det vil kome
fleire. Ingen av dei 34 var VIL-løparar, men vi trur vi vert representerte.
Einaste sykkylvingane på lista torsdag morgon var Ole Martin Korsnes og Thomas
Dyb.

I 2017 vann Kilian Jornet
herreklassa (48.05) og Emilie Forsberg kvinneklassa (55.38)

Då hadde vi tre
sykkylvingar på lista med desse tidene:

1.07.44: Svein Arne Nakken

1.08.59: Ole Martin
Korsnes

1.13.38: Fridtjof
Fredriksen

Sidan den gongen har vi
fått Frode Mauren i tilgang frå Vegsund Racing. Han gjorde fine 1.04.11 i 2017.
Han kan truleg «tyne» seg ned mot timen om han stiller, då han har vist solid
sommarform både i Varden Opp og i Ålesund Sommarkarusell (10 km).