Startnummeret frå Konradløpet – eit verdipapir!

Sponsoren vår, Focus
Sport/Sport 1 i Sykkylven gir nemleg 30 prosent på handelen du gjer når du
leverer inn nummeret. Og dette gjeld ut året. Men kanskje er det «fyrst best»,
slike ting kan fort gjort forsvinne i heimen om det skal lagrast lenge.

Og for å vere enno meir
presis. Du får ikkje 30 prosent avslag på EI vare, men på HEILE handelen. EKSEMPEL:
Tar du med startnummeret
   til butikken,
og kjøper sju ulike varer til ein samla sum på 15 000 kroner, så får du 30
prosent avslag på heile denne handelen, altså 4500 kroner i avslag.

Vel du derimot å bruke
avslaget ditt på ein einsleg handel på 200 kroner, får du sjølvsagt lov til
det. Men lurt er det ikkje, då vinsten din i så tilfelle blir på lusne 60
kroner. Her bør det i det minste handlast såpass kraftig at ein har inn att
heile startkontingenten ein har betalt. Valet er heilt og fullt ditt eige!