Stor deltaking i Ålesund maraton 12.mai

Klokka 21.00 kvelden før
løpet i Ålesund viste påmeldingstala; 32 løparar spring heil maraton, 124
spring halv. Truleg vil desse tala auke, før løparane legg i veg klokka 10.00
(maraton) og 12.00 (halvmaraton).

Hittil er Radka Vosicka i
klasse K 35-39 år einaste påmelde frå VIL. Andre sykkylvingar på halv maraton
er: Frode Hoprekstad, Ragnfrid Årnes, Anne-Kari Aamodt og Arnas Tribusininas.
Elles spring Jan Helge Myhre, eks velledaling busett på Stranda; halvmaraton.
Og tek vi ikkje heilt feil har han med både sonen Marcus og kona Charlen.
Kanskje dagens sprekaste familie i Ålesund. Elles spring både Rigmor Opsvik
(Stranda) og Kari-Anne Tryggestad Ryste (Sunnylven) heilmaraton.

Men kanskje det aller mest
spennande er at Michael Uhlar stiller på heilmaraton. Det var mannen som sprang
PåskeKonrad på kring 17.30 MED barnevogn. Michael har tidlegare budd i
Sykkylven. Han var då ein trufast gjest på herretrim i grendahuset og i lokale
skianlegg. Han har tidlegare delteke i både Alperittet og i Konradløpet, der
han har den tsjekkiske rekorden godt nede på 16-talet