O-KM mellomdistanse sundag 6.mai

I fjor vart KM
mellomdistanse arrangert av Emblem IL og Velledalen IL i fellesskap. I heller
dårleg vêr, men totalt utan sure miner frå kring 85 deltakarar. I skrivande
stund – eit drygt døgn før start – viser påmeldinga 41 deltakarar.

Og somme vil kanskje hevde
at det er vårt lag som står for store deler av svikten. Vi mønstra kring 35
utøvarar på heimebane i fjor, mot seks i Veddemarka i Sula kommune i år. Emblem
vil heilt sikkert lose arrangementet trygt i hamn, med deltakar frå klubbane: Emblem,
Halsa, Molde, Velledalen, Bø OL og Søgne og Songdalen OK. Dei to sistnemnde
klubbane kan ikkje ta KM-titlar, då dei ikkje er heimehøyrande i Møre og
Romsdal.

For Velledalen IL er fylgjande løparar påmelde:

Emil Balon

Mateusz Balon

Torild Hole

Tobias Ibsen Lervåg

Mikkel Ibsen Lervåg

Pernille Ibsen Lervåg

På Myrdalen i 2017 sytte
Pernille for at det vart KM-tittel til Velledalen IL. Resultata for 2018-KM vil
de finne på nettsida sundag kveld.

Vi ynskjer hell og lukke i
jakta på utplasserte postar!