Årets Førjulsmesse gav rekordresultat

Den 25. Førjulsmessa gav
rekordresultat. Både for brutto omsetning og netto-resultat. Nyleg kunne
kasserar Vibeke Skinnes Hauge presentere rett så fine tal, då rekneskapen vart
lagt fram for arrangørlaga (Velledalen Skulekorps, VRF og VIL).

Nettoen etter messa 18. og
19. november vart på kring 93 000 kroner. Som er ny rekord.
Inntektskjeldene for laga skriv seg frå standleige, tombola, basarbøker og sal
av mat og kaffi. For fyrste gong vart det selt mat og kaffi for over 50 000
kroner under Førjulsmessa. Mat og kaffi-salet har sjølvsagt også ei minusside,
så alt er ikkje netto her. Men uansett fine tal, og nok ein gong STOR TAKK til
alle store og små bidragsytarar!