Stor takk til alle Førjulsmesse-hjelparar

Som vi før har skrive
hadde Velledalen IL 92 ulike personar i sving med store eller små oppdrag under
messa. I tillegg hadde Velledalen Skulekorps og VRF sine stabar i aksjon, slik
at det truleg var minst 150 personar som var med å losa det heile i hamn.

Velledalen IL takkar sine
folk for plikttru levering av kaker og tombolavinstar, og for alle andre
oppgåver frå vakthald til opp- og nedrigging. Ei spesiell takk til innkjøpssjef
Marit Hole, utstillar-ansvarleg Elisabeth Sjøli for deira store innsats.

Vi takkar VRF og Veledalen
Skulekorps for samarbeidet, og Nærmat Velledalen for mykje god PR. Alt tyder på
at Hennning Tandstad vert den mest vellukka kjøpmannen Velledalen nokon gong
har hatt.

Og sjølvsagt stor takk til
alle handlande. Det at det store fleirtalet av utstillarar reiser nøgde heim,
er umåteleg viktig. I så måte har vi eit godt ord på oss, og difor nærast «slæst»
somme av dei om å få kome tilbake. Stoppar handelen, døyr Førjulsmessa!