FK Sykkylven står i 4.div

Men FKS sin kamp mot Godøy kan spele ei viktig rolle i botnstriden. Før siste runde er det klart at Norborg rykkjer ned med sine 13 poeng. Langevåg på 19 poeng må slå Skarbøvik borte for å ha håp om å passere Godøy på 21. Langevåg kan altså berre stå om dei får hjelp av FK Sykkylven. I dårlegaste fall taper FKS, medan Langevåg vinn. Då vil FKS likevel stå med sine 23 poeng mot Langevåg sine 22 på nedrykk.

Så ei lita historie frå Leiv Alnes sine målmannsdagar i VRF. Då spela VRF ein tidleg vår treningskamp mot Godøy. Vel heimkomen etter kampen ville han Alnes-Lars (som var frå Godøya) vite korleis dette gjekk:
 -  Øss tapte 3-2, men der var slik vind at det var mest ikkje råd å spele fotball, sa Leiv.
 -  Bles ikkje det på dei då, var Alnes-Lars sin syrlege kommentar.

PS. Stranda bergar seg truleg frå nedrykk til lågaste kretsserie, då laget møter svake ÅVK i siste runde i 5.div. Det er verdt å merke seg at VRF i sitt 50 årige liv spela tre sesongar i nest lågaste kretsserie (som Stranda gjer no), men vart aldri dårlegare enn nummer tre i denne divisjonen. Stranda er med andre ord no dårlegare enn VRF nokon gong var! Og herrefotballen i Sunnylven IL ligg på is. Vår Herre må vite at det er dårlege tider for seniorfotballen på indre Sunnmøre for tida!