Brune vann 5 km i Ålesund

Onsdag 12. juli var det
nytt karusell-løp i Ålesund, som vanleg med valfri distanse – fem eller ti
kilometer. For fyrste gong på lang, lang tid var ikkje Velledalen IL
representert, men vi tek med nokre få resultat.

På 5 km fekk Bjørn Arve
Brune frå Stranda bestetid på 19.54. Solid av ein mann som spring i klasse
50-54 år. Fridtjof Fredriksen, Sykkylven IL, vart nummer to i klassa med 21.16.

Av dei som sprang 10 km
nemner vi Linda Hovde (eks Stranda), dotter til Harry og Birgit Hovde, som vart
beste kvinne på tida 43.29. I klasse 20-22 år vann Ismail Samadi frå Stranda på
39.46.

Raskast av alle var O-løparen Emil Ahlbeck
frå Fossum IL. Han sette ny løyperekord på 10 km med 33.20. Tre dagar tidlegare
vart same Ahlbeck nummer tre i Hellesyltløpet. Så om ikkje sommarvêret har vore
det beste så har Fossum-utøvaren hatt gode sportslege sommardagar på Sunnmøre.

Neste løp i karusellen er onsdag 8. august.
 Då truleg med deltaking frå Velledalen IL.