Ole Peder «Årets debutant» i 2016

Ikkje veit vi, men vi har
mistanke om at det var ei dame som har hatt positiv effekt på Ole Peder. Ei
rett så sprek dame til og med. Ei som sist vinter sopa med seg mange
Norgescup-poeng i langrenn. Sigrid heiter ho, men meir får du heller ikkje vite
om den saka. Ikkje på VIL-Nett i alle fall.

Nok om det. Ole Peder drog
startnummeret over hovudet både her og der i løpet av året. I korte løp som
Koldabakken Grand Prix og kortaste etappe på VIL sitt lag i Holmenkollstafetten
(nr 45 av 1152 lag i klasse A1), Løp som knapt kosta han mange kaloriar. Men òg
i lengre, som Konradløpet og Kaptein Dreyers Minneløp på Sunndalsøra, det siste
ei lita prøve på kring tolv kilometer.

Men det heilt store fann
stad i Geiranger i juni. Her fleska flyentusiasten skikkeleg til. Påmeldinga
til Nibbeløpet kom overraskande på dei fleste. 21 km langt, med mål på toppen
av Dalsnibba etter 1500 høgdemeter stigning…..ikkje vanskeleg å skjøne at det
krev sin mann. Og Ole Peder starta heller ikkje saman med dei middel-mådige,
som starta timen før….Neidå, han la ut side om side med «kremen», som
inkluderte kameraten, Kjell Magnar Berli.

Tøft vart det, det treng
ingen tvile på. Men til mål kom han, bakka opp av eit ungt støtteapparat i
verdsklasse. Tida vart kring 3.15 – som i denne samanheng vil seie tre timar og
15 minutt. På toppen venta flott medalje og det som betre var….

GRATULERER OLE PEDER - DETTE VAR TØFT GJORT!

Og prisen som «Årets
Debutant» i Velledalen IL i 2016 var meir enn fortent.