Pris til Bøe og Bjørnestad for «Årets Parløp» 2016

Vi skal til arrangementet
som på fagspråket heiter Ålesund Nyttarsmaraton. Det vart arrangert med start
og mål på Moa 28. desember 2016. To distansar, heil- og halvmaraton.

Velledalen IL var
representert ved Per Inge Bjørnestad (45-49 år) og Olaf Øien (70-74 år) i
tillegg til laget sin friidrettsleiar, Alf Petter Bøe (45-49 år), som
representerer Rindal IL.

Alle med halvmaraton som
distanse.

Forholda var greie. Ikkje
glatt eller nedbør, men ganske frisk vind – som motvind i siste del. Bøe og
Bjørnstad fann straks kvarandre. Gunnar Emblem, Hakallestranda Kondisjonslag,
heldt fylgje i starten, men vart rista av kring halvvegs. Resten av løpet dreia
det seg om parhestane Bøe/ Bjørnestad i klasse 45-49 år denne dagen. Ville
nokon av dei rykkje….?

Det skjedde ikkje. Dei
kryssa mållina side om side, til delt 1.plass i klasse 45-49 år på tida
1.24.59. Under Idrettsgallaen vanka det heider til karane. Mest til Per Inge,
som under Idrettsgallaen 2015 saman med familien vann eitt-årige medlemskap i
VIL – utan forpliktelser. Per Inge har representer VIL på ein så flott måte
dette året, at han fekk O-gruppa si løpstrøye + eit par sokkar. Unge Bøe måtte
nøye seg med sokkane, fordi han sprang med eigen servicemann og meteorolog i
Ålesund vart det sagt. Dei har det på stell i Rindal IL!

Uansett – eit vakkert
parløp og fortent pris!