Velkomen til arrangement med tradisjon 2. juledag

arkivfoto
 
 Vi reknar med at alt går
etter planen denne gongen, som betyr Romjulsmarsj nummer 37 i Velledalen.
Fyrste gong arrangert i 1979. Opphald eitt einaste år grunna orkan og
straumbrot.

 
 Romjulsmarsjen er i fyrste
rekkje eit sosialt arrangement. Her treff du alltid personar som ikkje er eit
daglegdags syn i heimbygda, men som har feira jul i barndomenes dal.
Registrering i Velledalen grendahus i tidsrommet 11.00-13.00. Kvar ein går er
ikkje det viktigaste, berre ein røyver på seg. Det kan vere «Hjortdalsrunden»,
om Brunstad og Hole, eller strekninga
Straumgjerde-Velledalen.

 
 I grendahuset plar ramma
vere på stell. Trimgruppa syter for registrering og fin servering for ein
rimeleg penge. Dei trekkjer òg nokre premiar frå dei ulike trimbøkene, premiar
som ikkje har noko som helst med stort frammøte på postane å gjere.

 
 På det meste samla
Romjulsmarsjen i Velledalen kring 230 deltakarar. Siste åra har talet vore
under 100. I 2016 er det på tide at vi i alle høve passerer 100.

 
  Velledalen IL, trimgruppa, ynskjer ALLE
hjarteleg velkomne.