Utfordringane i kø for Kjell Magnar Berli

Kjell magnar kosae swg i rygg på Andre Haugsbø
Året 2016 er snart over,
og det har vore stille kring VIL sin beste utøvar, Kjell Magnar Berli. Stille
lenge. Heilt sidan Stranda Fjord Trial Race, der han kom på pallen og fekk fin,
firesifra sum i pengepremie. Det meste Kjell Magnar «tok i» av konkurransar i
2016 gjekk godt, ofte med saftige personlege rekordar som resultat. VIL-Nett
har hatt ein juleprat med Kjell Magnar, der vi prata om sesongen 2016 som no er
historie, og året som kjem, 2017.

 
 -  Korleis vil du skildre 2016-sesongen?

 
 -  Det er vel den
beste eg har hatt. Ikkje heldig med alt, rett nok. Litt for glatte ski i
Birkebeinerrennet, og eg er heller ikkje supernøgd med prestasjonane i vanlege
motbakkeløp som Saudehornet i Ørsta og Mefjellet i Norddal.

Nest best i
Konradløpet

 -
 
 
 Kvifor
gjekk det så bra akkurat i 2016?

 -
 
 Eg fekk trena godt om vinteren. Gjekk tre
turlangrenn, mellom dei Fjellsæterrunden og Birkebeinerrennet. Men mesteparten
av treninga var randonee, som gjorde med uthaldande og sterk. Eg hadde ikkje
mykje løpstrening då eg 1.mai vart nummer to i Konradløpet på 15.09 (ny pers).
 

Debuterte på
halvmaraton

Så var Kjell Magnar i Oslo, og gjorde som vanleg ein
sterk etappe for Velledalen IL sitt lag i Holmenkollstafetten. Han hadde lenge
gått med tankar om å prøve seg i heil- eller halv maraton, og mai 2016 vart
året der han debuterte i Ålesund halvmaraton.
 

 -
 
 Og det løpet sat?
 

 -
 
 Ja, det meiner eg var ein bra prestasjon. Tida
vart 1.17.33, etter at eg hengde meg på beste kvinne i starten og sprang åleine
over halvparten av distansen.
 

Sjølv om Kjell Magnar ikkje nemner det sjølv, gjer vi
det; han vart beste herreløpar i Ålesund halvmaraton.
 

Knallsterk i
Geiranger

I juni var han mellom kring 200 i Nibbeløpet i Geiranger,
der også Ole Peder Holmberg gjorde ein debut det vart lagt merke til. Med tida
1.45.14 vart Kjell Magnar berre slegen av Vegard Øie frå Løten. Dermed rann nye
3000 kroner inn på kontoen hans.
 

 -
 
 Du var berre fem sekund bak Sverre Gunnar
Brunstad sin sykkylvsrekord.
 

 -
 
 Akkurat det var litt irriterande. Faktisk var eg
sjuk siste dagane før løpet med sår hals og «trong» pust, så det var uvisst til
det siste om eg kunne stille. Tida til Sverre Gunnar for vere målet ved neste
korsveg.
 

6.plass i NM
ultraløp.

I juli gjekk vegen til Hornindal og Hornindal Rundt. I
2016 NM i ultraløp, med ein distanse på 75 kilometer, 5600 høgdemeter etter å
ha vore innom 20 fjellpostar. Kjell Magnar vart nummer to i seniorklassa og
nummer seks totalt på tida 10.31.05. Ein prestasjon som vart lagt merke til.
 

 -
 
 Var dette årsbeste i 2016, Kjell Magnar?
 

 -
 
 Ja, det vil eg seie. Men pussig nok kjendest det
som eg hadde meir å gå på. Til sommaren må målet vere å kome under ti timar.
 

Pallplass på
Stranda

I august var det Stranda Fjord Trail Race nesten på
heimebane. Vår mann var lenge saman med Andre Haugsbø, ein gjennomtrena kar med
ein haug premieplassering mellom anna frå ulike ski-NM. Men mot slutten vart
Kjell Magnar for sterk, sikra seg 3.plassen totalt på tida 4.26.22 – nær tolv minutt betre enn året før.
 

 -
 
 Du tok lærdom av året før?
 

 -
 
 He he. Då gjekk eg næringstom. Såg forresten på
splittidene etter løpet at eg var best i eit av nedoverpartia. Faktisk er dette
med springing i nedoverbakkar noko eg trenar på
 

God
treningsperiode

Kjell Magnar har aldri vore redd for å trene. I 2016 har
han mellom anna trena ein del saman med Knut Anders Hatlen. Han nemner nokre
sugande titimar-turar i Tafjordfjella, og felles rulleskitur like etter
Saudehornet Rett Opp. Siste tida (etter 1. november), har han hatt mange og
lange ski-økter der han har gått på føtene opp i høgde til han har funne snøen.
Ofte tørr snø, og slik har han fått drive intervaltrening i 900 meters høgde. I
desember har studenten teke det litt rolegare på grunn av eksamenar.
 

Kneskade

Kjell Magnar veit det meste om sjukdom. No er helsa god,
men han har litt problem med høgre kne.
 

 -
 
 Det starta med eit skikkeleg fall under nedover-trening
(til fots) tidleg på hausten. I oktober
var skaden ute av verda, men så var eg så dum at eg tok ein 18 km springetur på
asfalt. Dermed fekk eg einslags betennelse i kneet. Legerådet mot dette var to
mnd utan å springe
 

Hovudmålet 2017

28- åringen frå Velledalen, med like gamle Kilian Jornet
som idol, har funne ut at det er ultraløp i fjellterreng som vert hovudmål for
satsinga framover.
 

 -
 
 Komande vinter har eg bestemt meg for å droppe
Birken. I staden satsar eg på Stryn Rando 3000, som er randonee-NM. Dette går
same helg som Birken. Vidare satsar eg anten på Salamon X-reid på Nordmøre
eller Hornindal Rundt. Då det berre er ei veke mellom desse, vert det vanskeleg
å få med seg begge. Og eg satsar på ny bestetid under Stranda Fjord Trail Race
i august 2017.
 

Lyst til mykje

Tøffe konkurransar krev restitusjon. Kjell Magnar veit
det. Men lysta til å utfordre seg sjølv er stor. Svært stor no som helsa er
bra.
 

 -
 
 Lysta til å prøve meg på Sverre Gunnar sin
sykkylvsrekord i Geiranger er stor, og
eg brenn litt etter å prøve meg i ein heil maraton. Det må i så fall vere
tidleg på året (mai) eller seint.
 

Og Velledalen IL reknar med at vår fremste
konkurranseutøvar stiller i Konradløpet og under Holmenkollstafetten?
 

 -
 
 Med litt farts-hjelp håper eg å kunne kome under
15 minutt i Konradløpet. Holmenkollstafetten er kjekt og sosialt.
 

Frå mørkret til
lys

Kjell Magnar sitt liv har gått frå det djupaste mørkret
til det fagraste lys. Eit liv i passivitet er eit tilbakelagt stadium. Den nyvunne
krafta hans viser seg å vere ei oppmuntring også for andre karar i dalen. Vi
trur Kjell Magnar skal ha litt av æra for Ole Peder sin sensasjonelle debut i
Geiranger, og Ove Magnus sin trimpost innsats; som den yngste «utøvaren» på ei
topp-5 liste i 2016.
 

Gløym ikkje at det var her Kjell Magnar restarta sitt liv
– nærare bestemt på Vellesætra trimpost.
 

Ferskvare: Praten med Kjell Magnar fann stad i Olagarden
vesle juleaftan 2016
 

Atle Jomar