Pinnen brukte 4.00.44 på rundturen i 2016.

Vêret var prima og
innsatsen like eins gjennom den drygt 50 kilometer lange løypa. Paul Hole, som
snart fyller 87, fekk æra av å ta opningsetappen. Det greidde KM-vinnaren på
1500 meter for junior i året 1949 med glans. Etter ein distanse på kring 500
meter leverte han pinnen til langt yngre Sevrin Hjorthol, som i sin tur leverte
til Team Holmberg ved Sophia Johanne Holmberg.

Deretter gjekk det slag i
slag til Anders Brunstad Leirmo fekk æra av å krysse mållina ved Joker
Velledalen. Då sa klokka til Alf Petter Bøe i fylgjebilen 44 sekund over fire
timar.

  KONKLUSJON:
Ein lett jobb delt på 55 utøvarar, som ville vore tung for dei fleste om dei
skulle gjort det åleine. Og vi vil tru dei arrangerande gruppene, langrenn og
friidrett, likte deltakarspennet: små born – tenåringar – vaksne i
foreldrerolla – spreke pensjonistar både i 70- og 80 åra.

Etter løpet var det
samling i Velledalen grendahus sin kjellarsal til marsipankake, saft og kaffi.

TAKK FOR INNSATSEN ALLE
SAMAN !!