O-gruppa fyrer opp til haustsesongen

Merete Masdal i Velledalen
IL si O-gruppe deltok denne veka i eit treningsløp på Emblem. Dermed fekk ho testa deler av løypenettet som vart
nytta under stormønstringa Fjord-O i sommar. Som ein ser av fotoet kan ikkje
ein o-løpar vere redd for å bli skiten og våt på føtene. Her er det berre å «plumpe
uti».

Gløym heller ikkje sundag
28. august. Då er det nytt familie O-løp på Dalemyra med base i Velledalen
grendahus. Vi kjem med meir informasjon om dette, men håper alle er sugne på
ein ørliten test etter sommarferien.

Elles kom det i dag ei
gledeleg melding frå gruppe-leiar Pernille. Ho fortel at Emblem sin glitrande
gode junior-VM –deltakar, Ingrid Lundanes, kjem til bygda på synfaring. I
fyrste omgang Velledalen og Straumgjerde. Rykta seier at fyrste dag vert
komande fredag. Ingrid er syster til enno meir kjende Olav Lundanes, mange
gonger verdsmeister i o-løp.