Elling toppar posten ved Sætreelva

Det nærmar seg
felles-ferie. Når folk flest er tilbake i jobb skriv vi august. Då er det to
månader til trimgruppa avsluttar trimpost-sesongen.

Akkurat no er det
høgsesong. På alle postar. Lenge var boka på posten Holetindane uråd å nå i, på
grunn av snøskavlar. Fleire fekk ikkje notert namna sine, men vi håper dei gjer
det i ettertid – eller dei kan ta kontakt med Nils Skylstad og melde frå, så
får dei godskrive turen før han total-summerer turane i oktober.
 

Sundag 26.juni klokka
09.15, tok vi pulsen på trimposten ved sætreelva i Holemarka. Her er stoda:

91 turar: Elling Hole

86 turar: Nils Terje
Skylstad

49 turar: Susan Osnes

41 turar: Ove Inge
Skylstad

35 turar: Kjellaug Ulset

34 turar: Ingrid Hole

21 turar: Tatiana

Her er det fullt mogleg å
hevde seg for personar som enno ikkje har starta sesongen. Topp-kampen ser ut
til å stå mellom Nils og Elling. Hatten av for veteranane Kjellaug og Ingrid,
spesielt Kjellaug som er i siste del av 80-åra. Tatiana er best av personane
med opphav utanom Noregs grenser, VIL-kasseraren held førebels ein fin 4.plass
og Susan Osnes er beste hundeeigar på posten.

PS: Holemarke trimpost er
ein lett, fin tur som gir to poeng. Start frå Hole eller Lade. Brua ved posten sitt
endepunkt er nyrestaurert – ta gjerne ein kik på den.