Tek du ditt fjerde merke, Roger……?

arkivfoto
Medan dei fleste aktive i Velledalen IL let Sykkylvsdagane segle sin
eigen sjø og set kursen mot Geiranger komande laurdag, kan det sjå ut som Roger
Malvin Hole vert åleine om å forsvare VIL si ære under Birkebeinerløpet på
Lillehammer. Roger er nyopprykt til klasse 50-54 år. Som igjen vil seie at han
er yngst i klassa og kan gjere det godt med omsyn til plassering.

Med startnummer 4057 på
brystet legg han i veg på sine 21 kilometer klokka 11.40. Til samanlikning så
startar Kjell Magnar klokka 11.30 i Geiranger. Truleg kjem Roger i mål nokre
minutt før, noko han nesten må gjere skal han greie sitt fjerde merke Det er
målet hans, og vi trur han greier det.

Korleis det gjekk med
Roger i Birkebeinerløpet får du her på nettsida. I løpet av laurdag kveld ein
gong