Særdeles gledeleg i skogsvegen Drabløs

Trimposten i skogsvegen
Drabløs er inne i ein fantastisk fin stim. Mange fleire enn før går dit, og
posten har hatt stigning kvart år siste tre åra. I 2015 vart posten nummer ti
(av 14), men berre ei fattig notering unna 9.plassen. Velledalen IL sin meldar
på posten 2. påskedag spår «All time high» for posten i 2016.

Men samstundes er same
meldaren bekymra. Ikkje over trimposten, men over mannfolka. Over fråveret
deira! I fjor haust viste det seg at heile topp-5 lista var kvinner. Mannfolka
var så svake at VIL si nettside fann det rett å spørje: «Famlar mannfolka i
blinde…..?»

Spørsmålet gjeld i høgste
grad enno. Du vil forstå det etter å ha studert topp-8, men for at alle menn
skal skjøne at her er det ikkje berre alvor, men prekært; beste MANN 2.påskedag
var Bernt Are Lervåg med to turar. All ære til Bernt Are, men mannfolk
generelt: Skjerp dykk!!

Her er topp-8 skogsvegen
Drabløs 2.påskedag:

61 turar: Annlaug Lervåg

27 turar: Astrid Drabløs

22 turar: Liv Skogvold

21 turar: Lilly Nilsen

15 turar: Grethe Fet

14 turar: Pernille Lervåg

12 turar: Marit Hole

11 turar: Karin Ramstad
Urke

Siste tre år skogsvegen
Drabløs:

2013: 315 noteringar

2014: 353 noteringar

2015: 432 noteringar

2016: «All time high?»