Konradløpet 2016: Nye premiar klare

Minikonrad vert arrangert
30.april. Sidan dette er ein laurdag går fyrste start klokka 17.00 (normalt
elles er 18.30). Sidan deltakinga har vore sterkt aukande siste åra, vil
løparane i alderen 0-16 år verte delte i tre startar.

Alle vert premiert i
Minikonrad. Lik premiering. I år vil utøvarane få ein stasleg medalje i fargane
gull, raudt, kvitt og blått. Den har både Konradløpet og Velledalen IL sin
logo, og den har band i raudt, kvitt og blått

Minikonrad har påmelding løpsdagen (30.april) i
tidsrommet 16.00-17.00

Vidare har vi fått på
plass 100 stk premiar for 15 års deltaking i Konradløpet. Ein flott plakett i
glas, med blått som hovudfarge. Den har Konradløpet sin logo, pluss Velledalen
IL sin logo med påskrifta: «15 år deltakar Konradløpet»

Vi skal om kort tid kome
tilbake til alle namna som er kvalifiserte til denne etter løpet i 2016, men
har før nemnt at det mellom anna finst fire personar over 80 år i Velledalen
som er det, nemleg: Magnus Ødegård, Kjellaug Ulset, Magnhild og Paul Hole. Av
dei som alt er påmelde for løpet i 2016 skal Ellinor Brunstad ha 15 års
premien.

Elles minner vi om at det
under hovudløpet 1.mai er sett tak ved 350 deltakarar på grunn av frukosten.
Påmelding til hovudløpet:

Nettsida til Velledalen IL
– eller til:
  atlehole@online.no
  – 917
43 761