Nær i 2014, lukkast i 2015

Postet av Velledalen Idrettslag den 5. Jan 2016

Inger Anne Brunstad har
gjennom mange år vore ein trufast brukar av Velledalen IL sine trimpostar.
Hausten 2014 hadde ho ein kraftig sluttspurt på gang, men då boka vart samla
inn var ho framleis bak Magnus Ødegård med knappast mogleg margin.

Dette retta ho på i 2015.
Med 172 noteringar var ho nådelaus og nøyaktig 60 turar føre nummer to på
Brunstadsætra trimpost. Under Idrettsgallaen før jul fekk ho sin velfortente
premie av Alf Petter Bøe (sjå foto).