Framgang for Romjulsmarsjen

-  Det tyder på at
Romjulsmarsjen er på ei oppadgåande kurve, med 14 fleire deltakarar i år
samanlikna med i fjor, skriv trimgruppeleiar Torje Bjørneseth i ei melding til
VIL-Nett.

Og ja, dei to siste åra
har vore temmeleg magre med 69 og 70 deltakarar, når vi veit at det i glansåra
deltok langt over 200. Men framgangen på kring 20 prosent frå dei to siste åra
gir håp.

 
 -  Særleg frå
Brunstad og Hole var deltakinga god, skriv trimgruppeleiaren.

Såleis kan det nemnast at
Velledalen IL sine to dyktige mellomdistanseløparar frå slutten av 1940-åra og
starten av 1950-år, Torleiv Hole og Paul Hole var mellom deltakarane. Begge er
no i siste halvdel av 80-åra. Sprekt gjort! Vi nemner at dei yngste var sågar vesentleg
yngre. Men alle monner dreg, og takk for innsatsen til samtlege!!