Turglad familie heidra

Velledalen IL er glad i
heidre slike som gjer det vesle ekstra. Og det bør sjølvsagt ha eit snev av
fysisk aktivitet over seg. Mange sperra opp augo i sommar då Sunnmørsposten i
ein stor reportasje bretta ut at Hans Olof og døtrene hadde lagt ut på stortur.

For stortur må ein seie
det var når dei var innom alle turisthyttene til Ålesund-Sunnmøre
Turistforening på turen. I kring 14 dagar traska kvartetten i fjellet – i all
slags vêr.

Rykta seier det kan kome
nye overraskingar frå Emma og Christina i nær framtid.

Så følg med på nettsida!

Elles må det nemnast at
Christina gjennomførte det knallharde Hornindal Rundt (Halvt løp) med glans
sist sommar, og at ho stod i bresjen for Slovakia-Konrad, eit løp med
vekstpotensial.