Takk til æresmedlem Fridtjof!!

arkivfoto
 Gjennom nettsida sender vi
stor takk til Fridtjof Drabløs, laget sin eldste æresmedlem, for julehelsinga.
Han er stasjonert på BUAS, naturleg nok i ein alder av 97 år.

Den yngre garde spør seg sikkert; kven er Fridtjof
Drabløs?

Kortversjonen sett med Velledalen IL-auge lyder slik:

I unge år var han aktiv
for Velledalen IL i løp og på ski (langrenn). Ofte var han med på Velledalen IL
sitt lag i stafettar (springing). Han har hatt ei rekkje verv i laget, også
leiar i Hovudstyret. Elles var han ofte engasjert til tidtaking, eller andre
sentrale oppgåver, i samband med arrangement. Under dei to store hopprenna i
Brunstadbakken på 1960-talet, var Fridtjof særs aktiv på arrangementsida. Han
var mellom dei personane som skal ha hovudæra for eit bugnande premiebord.
Gjeve av lokalt næringsliv, og som mellom anna trekte verdsmeister i kombinert,
Arne Larsen, hit. Og i renn nummer to fleire andre landslagshopparar.

Då Velledalen IL passerte 100 år i 2006,
gjekk Fridtjof i bresjen for innsamling av pengar til ein hjartestartar. Den vart
plassert i Velledalen grendahus. Sjølv etter Fridtjof passerte 90 år har han
vore levande interessert i kva vi tuskar med i Velledalen IL. STOR TAKK FOR
JULEHELSINGA, FRIDTJOF !!