Brubygging og trasérydding

Laurdag var det dugnad i
Ladalen. Hovudoppgåvene denne dagen var omlegging av løype i området ved Fjellsæter
Ungdomssenter og bygging av ny bru. Torgeir Vikstad mønstra på som bas, slik
han har gjort mange gonger før under ulike bruprosjekt.

Utanom Torgeir deltok
Steinar Myrseth, Fridtjof Fredriksen, Jo Sagli og Roy Even Dyb, i tillegg til
Svein Arne Nakken og Bård Per Erstad frå Velledalen IL si langrennsgruppe.

Det vert meldt at det vart
nytta traktor med vinsj og pallegaffel som erstatning for dei tyngste løfta.
Elles gjekk det i handemakt, motorsag, pluss enklare verkty til dekkelegging.

Brua vart i alle høve
staseleg, og vil ganske sikkert vise seg tenleg for skifolket alt før nyttår.