Katinka sin rekord overlevde

Denne gongen skal vi
omtale ein av dei meir kinkige rekordane. Rekorden for beste
ektepar/sambuarpar. Kinkig fordi det ikkje er lett å vite kven som lever i lag
til ei kvar tid.

Fakta er at Katinka
Havnegjerde og Jo Andre Tandstad som sambuarar leverte samla tid 37.27 i 2011.
Seinare har det vorte både ekteskap og arving. I 2015 var dei for fyrste gong
tre som deltok. Yngstemann låg i vogn, trilla
av Katinka, medan han far sjølv, Jo Andre, måtte slite. Det gjorde han rett så
bra, til ei tid trygt på 18-talet.

Så vidt vi kan sjå
overlevde sulaparet sin rekord med god margin. Det same gjorde søskenrekorden
til Sondre og Elisabeth Overvoll Hole frå Stranda. Og så godt som alle dei
nasjonale rekordane. Einaste unntaket var den russiske, der Olga Sørensen senka
Maxim Gerashenko sin rekord frå 22.12 til sterke 20.24.