Påmelding til Konradløpet opnar om få dagar

Postet av Velledalen Idrettslag den 30. Jan 2015

1.mai 2015 fell på ein
fredag. Ein høveleg dag for ein formtest – eller ein liten spasertur for dei
som ikkje ynskjer teste seg. Alle er like velkomne.

Opplegget er nokså likt
slik det har vore . Minikonrad den 30. april for aldersgruppa 0-16 år, medan
hovudløpet som vanleg har start 05.00 den 1.mai. Etter løpet vert det
konradfilm, premieutdeling og gratis frukost i Velledalen grendahus.

Startkontingenten vert slik:

Born: 100

Vaksne: 150

Familie: 350

I 2014 hadde vi Martine
Lorgen Øvrebust, Stordal IL, som premieutdelar etter Minikonrad. Ho har siste
dagane delteke i Ungdoms-OL i Lichtenstein, og kom heim med sølvmedalje i
stafett, bronsemedalje på klassisk sprint, i tillegg til fjerde- og
åttandeplass i dei to individuelle renna. Prima levert!

Til orientering; premieutdelar for 2015 er
ikkje heilt klart enno.