«Årets Etternamn 2014» - Frå Idrettsgallaen

Juryen kåra LINGA til «Årets
Etternamn i 2014». Grunngjevinga lydde om lag slik:

 
 ·
  
 
 Fordi ei sprek kvinne
med førenamn Arnhild har dette etternamnet. Ho samla 1998 trimpoeng i 2014, og
var med det best av velledalingane. Arnhild har fire gonger gått heilt til
topps på samanlagtlista.

 
 ·
  
 
 Fordi Arnhild og
Svein har ein son som heiter Per Steinar Linga. Han har stort sett vore beste
syklisten i Sykkylven dei siste 15 åra, og var raskaste sykkylving til topps på
Dalsnibba også i 2014. Denne Per Steinar Linga fylte 40 år 9. august, og han
likar motbakkeløp også. Kvart år stiller han i Koldabakken Grand Prix, og
sanneleg var han på plass under «Opp på Bruna» sundag 10.august. Sanneleg fordi
det var dagen etter hans eigen 40 års dag.

Det gjekk bra med Per Steinar «dagen
derpå». Han vart totalt nummer fem på tida på tida 21.01. Men det skulle
likevel vise seg å bli ein spesiell dag….

 
 ·
  
 
 Fordi det finst
ein tredje generasjon med etternamn Linga. Vi kjenner alle til Pernille, ivrig
deltakar i Koldabakken Grand Prix og i Minikonrad. Men under «Opp på Bruna» var
det fyrst og fremst eit syskjenborn av Pernille, Håvard Ulla Linga, som viste
seg fram. Han er son til Jostein, mannen som var kjend for dei harde frisparka
og som var dyktig i begge endar av ei fotballbane. Og denne Håvard Ulla Linga,
som i 2013 sprang same løpet på 24.40, han knekte onkelen sin, Per Steinar,
denne salige dagen 10. august 2014. På sin eigen 16 års dag!! Håvard kom inn
til tredjeplass totalt, på tida 20.47. Ei tid som fortel at guten har drive
mykje god trening siste året!!

 
 ·
  
 
 HEITER DU LINGA
TIL ETTERNAMN – VER STOLT AV DET, OG GRATULERER MED FORTENT PRIS!

Arnhild frå Koldabakken grand prix i 2011