Olaf Einar Øien vart «Årets Vinnarskalle 2014»

Sjå foto!Olaf Einar Øien saman med ein annan veteran.
Nemleg Inge Asbjørn Haugen. Honndøl god som nokon , men som bur på Nordfjordeid.
Inge Asbjørn er den mannen i heile nasjonen Noreg, som har fullført flest
maratonløp. Målet til mannen, som er kring ti år yngre enn Olaf, er jubileum
(500) i heimbygda til sommaren.
 

Olaf Einar Øien fyller 72 år i 2015. Framleis spring han.
Både mykje og langt. Aller helst halvmaraton, ein distanse som i meter skal
vere 21 095 . Pågangsmotet er det med andre ord ingen ting i vegen med.
 

Olaf er ein av dei som oftast representerer Velledalen IL
utanom heimbygda. I klasse 70-74 år. Naturleg nok er det ikkje fælt mange i
akkurat den klassa. Difor vinn Olaf ofte. Ja, han vinn faktisk mest av alle i
laget, og difor meinte juryen at Olaf Einar Øien var mannen som måtte få
tittelen «Årets Vinnarskalle 2014» - GRATULERER!!
 

Her er litt av det
Olaf har gjort i 2014:

 
 ·
  
 Konradløpet på tida 21.43.
 

 
 ·
  
 Eikenosa Opp (motbakkeløp) på 31.46.
 

 
 ·
  
 Nr. 2 i Varden Opp ( Motbakkeløp Sula) – mindre enn
minuttet bak vinnaren.
 

 
 ·
  
 Olaf vann klasse 70-74 år i Nibbeløpet på
2.56.11
 

 
 ·
  
 Klassevinnar i 70-74 år i Saudehornet Opp i
Ørsta på 1.55.17
 

 
 ·
  
 Klassevinnar i klasse 70+ i Opp på Bruna i
Straumgjerde
 

 
 ·
  
 Vann halvmaraton i kl 70+ under Nordvestmaraton
på Hareid. Tid: 1.57.41
 

 
 ·
  
 Olaf vann halvmaraton i kl 70-74 år under
Nyttårsmaraton i Ålesund på snøføre på 1.58.30