Raskast over 50 år

Sprint er risikosport for
utøvarar over 50 år. Er ein utrena er sjansen for strekkar og andre plager
store. Slik synest det ikkje vere for KrF-politikar, Per Gunnar Holmberg.

Han bles gjennom 60-meteren
på den flotte tida 9,00 sekund. Flott med tanke på at «guten» er 57 år. Vi tør
våge påstanden at han er raskast i bygda over 50 år – i alle fall over 55. Han
greidde også spenst-kravet (stille lengdehopp) og styrkeøvinga, slik at han
kunne førast opp i Nils Skylstad sitt kartotek over godkjende prøver – dagen før
treningsleiren i Israel.

Elles var tvillingane
Sivert og Andreas Nakken på plass. Dei to var særs jamne både på 60 meteren, i
stille lengde og i kast med liten ball. Nyttig trening, og erfaring, for
11-åringane som har rett tæl i seg til å bli ivrige merketakarar når alderen er
der.