Ordførar i trygge hender!

FOTO: Fire nyutdanna sjukepleiarar som fyrst vart kjende med kvarandre i studietida. Frå høgre: Kristine Tørre Asprusten, Petter Lyshol, Lina Løvland, Iselin Flacké og Martha Kristine Brunstad
Ordføraren furta ikkje
over det. Kort etter hadde han menga seg med fire jenter i sin beste alder.
Fire unge kvinner som feira avslutta sjukepleiarutdanning med ein sykkeltur frå
Nordkapp til Lindesnes. Lagnaden ville at dei var i Sykkylven samstundes med
Tour of Norway for kids.

-Vi starta nordfrå 15.
juni. I starten med både snø og snøstorm. Men menneska nordpå viste oss omsorg
og varme, så vi kom gjennom det. I Lofoten fekk vi finevêr og siste tida har
vore fantastisk. Målet er å vere framme 20.juli, fortel Martha Kristine
Brunstad.

Brunstad kjem frå Bergen,
men har bestemor, onklar, tanter og anna slekt i Sykkylven. Iselin Flacké er
sykkylvsjente, så ordførar Lyshol skaut slett ikkje i lause lufta med frammøtet
sitt, kledd i korrekt fargekode ut frå partiet han representerer. Freidig plasserte
han seg mellom Lina Løvland (Flekkefjord) og Kristine Tørre Asprusten
(Kvitseid) klar for fotografering.

Mellom fire nyutdanna
sjukepleiarar kjende ordførar Lyshol seg tydelegvis trygg. Så trygg at han
kravde namna skulle offentleggjerast frå
høgre denne gongen. I respekt for ordføraren sitt frammøte føyervi han denne
eine gongen.