St. Olavsloppet i helga

Alf Petter Bøe, bøfjordingen
som representerer Rindal IL, måtte i år melde avbod til St. Olavsloppet grunna ein liten skade. Kampen om sigeren
stod mellom trønderklubbane Strindheim og Skogn. I mål skilde det åtte sekund i
Strindheim sin favør, med Rindal IL sitt fyrstelag på ein særs heiderleg
tredjeplass.

Når det gjeld Alf Petter
sin skade er ikkje den verre enn at han mest truleg stiller i Hellesyltløpet
komande helg. Eit 6,6 km langt løp med sterkt startfelt, ikkje minst takka vere
ski- og fotballklubben Lyn som har treningssamling på Hellesylt i samband med
Hellesyltdagne. Trenaren i Lyn heiter Hans Kristian Stadheim og kjem frå
Hellesylt.