Aldersrekord av Brunstadekspressen

Alt tyder på at Sverre
Gunnar Brunstad er i knallform. 1967-modellen gjorde 21.mai unna tre rundar
rundt Sognsvann i Oslo på tida 34.49. I ein e-post frå hovudstaden heiter det:

 
 -  Dette er det nest
beste resultatet eg har hatt i løpet nokon gong, og det heldt til ny
aldersrekord.

 Dermed slår vi fast at
Brunstadekspressen er på veg mot toppforma før maraton-NM seinare i sommar. Der
er det grunn til å vente sterk plassering i klasse 45-49 år. Ein av dei han
skal bryne seg mot der, er Helge Hafsås frå Olden.

Om vi har skjøna det rett
er runden rundt Sognsvann om lag 3,3 km. Tre rundar vert kring mila. 34.49 på mila
av ein 47-åring er det ein kan kalle «skarpt sprunge i moden alder».