Idrettskvinne fyller 60

24.mai ropar
vi hurra for Eldrid Nikoline Myhre

Eldrid har
sitt opphav frå Norddal kommune, nærare bestemt Valldal. Der er tradisjonane
gode for skisport, og i unge år var Eldrid ein del av dette miljøet. Og ho
gjorde det godt. Vi kan nemne at ho som tenåring vart KM-vinnar i langrenn for
Valldal IL.

Kjærleiken til
ein velledalsgut førde Eldrid til Brøvoll, og det som i dag heiter
Sykkylvsvegen 1782. Saman med Asle voks familien til fem, ho vart ei viktig
brikke i gardsarbeidet og ho dyrka sine fritidssyslar.

I mange år var
ho fast målmann (?) på VRF sitt kvinnefotballag, og ho var med då
kvinnefotballen i VRF vart starta. På 1980-talet kasta bort i mot alle kvinner
i Velledalen hesteskor. Også Eldrid, som i systra Ragnhild hadde den som dreiv
sporten lengst på kvinnesida.

Eldrid har
alltid dyrka friluftsliv og halde seg i fysisk god form, anten til fots eller
med ski på beina. Ho har hatt ei rekkje verv i Velledalen IL i ulike grupper.
Av statistikken les vi at ho har vore ein trufast deltakar i Konradløpet. Åtte
gonger har ho betalt startkontingenten, og såleis har ho Konradmedaljen i gull.
At ho som 58-åring sprang løpet på 23.39, vitnar om ein lekam i balanse.

Elles tek vi
med at ho etter siste rangering no figurerer som beste sauesankaren på Brøvoll.
Ho er ikkje redd fysisk arbeid og kan hesje i sol og regn– gull verdt i ei
usportsleg og oppreva verd, som Flettfrid Andresen ein gong sa.

Kort sagt;
Eldrid Myhre har alltid vore ein trufast støttespelar for Velledalen IL, i dei
etter kvart mange åra ho har budd i Velledalen. Ei som aldri sviktar og ei
kvinne vi er stolte av!

Difor hyllar
vi deg – OG GRATULERER – på 60 års dagen!

For
idrettsvener

I Velledalen
IL

Atle Hole