Bengt vs Bendik

16.mai klokka 19.30 tørnar
Stranda saman med FK Sykkylven til seriekamp i 4.divisjon på Mona stadion. Det
einaste som er sikkert er at Leiv Alnes og Marit Hole reiser heim med alle poenga.

Utan at vi veit
lagoppstillingane, er det grunn til å tru at det nemnde paret har ein son på
kvart av laga. Bengt på Stranda, Bendik på FKS. Før kampen er FKS utan tap,
medan Stranda er utan siger. På den bakgrunn må gjestane finne seg i favorittstempelet
denne gongen.

Bengt er til dagleg soldat
i Nord-Noreg, truleg særs kampsugen, og kan gjere livet surt både for broren og
FKS. Særleg luftstyrken hans er det ingen på gjestelaget som matchar. Vert
Bengt brukt som spiss, vil han ofte duellere med broren Bendik på midtstopparplass
hos FKS. Og det blir ikkje enkelt for soldaten, då Bendik var den mest positive
overraskinga i FKS-forsvaret i kampen mot Rollon på Ikornnes Idrettspark for ei
veke sidan.

Tipp resultatet av kampen - premie til beste tips.

Send forslaget ditt til: atlehole@online.no – eller melding til 917
43 761