Mannen med flest maratonløp kjem

Få har sprunge meir enn
Inge Asbjørn Haugen. Fødd i Honndalen (Hornindal) 27. april 1953, og døypt av
Ragnvald Indrebø same sommar. I 1966 flytta Inge Asbjørn, som er
fyrstekonsulent i skatteetaten av yrke, til Nordfjordeid. Der bur han framleis,
men han representerer Hornindal IL når han spring.

Og det gjer han ofte. Han
har delteke i 444 maraton og 25 ultraløp (som er verre). Han har sprunge i fem
verdsdelar; Europa, Amerika, Afrika, Asia og Australia. Hans fyrste siger kom i
løp nummer 209, og han har personleg bestetid på 3.08.43 på maratondistansen
(42 195 meter). Den vart sett i Jølster i 1998.

Denne mannen kan du møte i
årets Konradløp. Han var her også i fjor, då han som fersk 60-åring spurta han
inn 19.52. Bestetida hans frå Konradløpet skriv seg tilbake til 2010, og er på
19.21. I år skal Inge Asbjørn Haugen ha Konradmedaljen i sølv for sitt tredje
løp.

Velkomen til Velledalen,
Inge Asbjørn!