Lokalproduserte vinnarpremiar

Postet av Velledalen Idrettslag den 21. Mar 2014

På sist styremøte i
Velledalen IL vart det bestemt at beste herre- og beste dameløpar under årets
Konradløp skulle få lokalproduserte premiar. Det dreier seg då om trearbeid av
Ingvart Nilsen, som er rosemåla av kunstnaren Solveig Hopland, med
velledalsfjella som motiv. Begge premieprodusentane deltok for øvrig på
Førjulsmessa i 2013.

To slike premiar er no
tinga, noko som betyr at verdien av fyrstepremiane vil stige i høve til
tidlegare år. Om nokon (firma eller privatpersonar) vil sponse ein eller begge
premiane er det fullt muleg. Ta i så fall kontakt med premiesjef Marit Hole.

Også premiane til
Minikonrad er indirekte handla lokalt. Dei tingar vi hos Morten Holmberg, aktiv
i bransjen frå basen sin i Vik i Sogn.