Fjellsæterrunden i tynn tråd

Då er det 14 dagar att til
Fjellsæterrunden skal arrangerast. Men snøen
har gått til streik, og tida byrjar bli knapp.

Fjellsæterrunden vart
arrangert fyrste gong i 1978. Den gong som eit prøverenn, arrangert av Sykkylven
IL. Året etter kom rennet på bana i form av eit fellesarrangement mellom
Sykkylven IL, Ikornnes IL, Hundeidvik IL og Velledalen IL.

Sidan den gong har rennet
vore avlyst tre gonger. To på grunn av snømangel, eitt på grunn av dårlege
vêrmeldingar. Det høyrer med til soga at vêret vart strålande på renndagen den
gong det vart avlyst på grunn av dårlege meldingar.

Rennet vart avlyst grunna
snømangel i 2013. Det same kan bli lagnaden i 2014. Det vil i så fall bli
fyrste gong arrangøren må gi tapt to år på rappen.