- Det er aldri for seint

«Aldri
for seint-prisen» gjekk til Karstein Magne Jensen, som har vorte aktiv idrettsmann
etter å ha passert 50 år. Siste året hadde han ikkje mindre enn tre turar til Lillehammer, som utøvar for Velledalen IL.
Han gjekk både Halvbirken, Birkebeinerrennet og fullførte Birkebeinerløpet.
Gjennom prestasjonane der skaffa han seg betre seeding som vil kome vel med i
2014. Elles deltok han på Velledalen IL sitt lag under Sykkylven Rundt,
Konradløpet, Det Store Folkerennet og han sprang sin del under
Ramstaddalsløpet.

Aldri
for seint, seier VIL-Nett, som med dette gratulerer Karstein Magne med flott sportsleg
framgang på ski og til fots. Klokka lyg ikkje. Her er tidene hans frå Konradløpet:

2012:
25.05

2013:
21.47

Dei
fleste taper seg år for år i Karstein sin alder. Han derimot, han forbetra seg
med tre minutt og 18 sekund. Stort betre prov på kva fysisk trening gjer med
eit gjennomsnittsmenneske finst knappast. Vi oppmodar fleire til å fylgje i
Karstein Magne Jensen sine spor.