Mindre folk, meir pengar

Førjulsmesse nummer 21 er
historie. Arrangert med særs dårleg vêr laurdag. Så dårleg at utstillaren som
skulle vere utandørs i telt måtte få naudhamn innandørs. Sundagen var OK
vêrmessig.

Det vert aldri ført oversikt
over kor mange som er innom dørene i løpet av desse arrangementa. Når vi kan
seie at der var mindre folk, er det brukt indikatorar som peparkakesal og
tombola. I år med mykje folk vert det alltid tomt før tida, både med peparkaker
og tombolalappar. Det vart det ikkje i år.

Arrangørlaga har fem
inntektspostar under messa. Dei kan rangerast slik etter storleik i brutto
inntekt:

 
 1.
  
 
 
 Kaffi og matsal

 
 2.
  
 
 
 Tombola

 
 3.
  
 
 
 Standleige

 
 4.
  
 
 
 Basarbøker

 
 5.
  
 
 
 Sal av peparkake på pinne

Når det likevel vart ny
brutto omsetningsrekord, skuldast det gode resultat på dei tre andre postane.

Men det er nettotala som
tel. Desse vert ikkje klare før alle rekningane har kome inn til kassarer
Vibeke Skinnes Hauge. Største utpostane er varekjøp (Joker, Bunnpris, Oskar
Sylte), husleige og annonsering. Alt det gode dugnadsarbeidet er gratis. Utan
det hadde resultatet vore eit heilt anna. Takk til alle som bidrog !!