1960-årgangen vakta huset

1960-årgangen i Velledalen
er - og har alltid vore - sterk. Under alle Førjulsmesser er det vakter i
Velledalen grendahus frå messeslutt laurdag til nye folk er på plass søndag
føremiddag.

Kjerna i vaktlaget denne
gongen var dei tre 1960-modellane Ove Inge Skylstad, Åge Vanebo og Magne
Nilsen. Alle solide menn i 50-åra, og alle sentrale også under andre
arrangement. Eksempelvis Konradløpet, der Magne Nilsen er ansvarleg for
løypemerking, Ove Skylstad er tidtakarsjef, medan Åge Vanebo er einaste funksjonær
som kan «ta på» deltakarane på jakt etter meir eller mindre skjulte startnummer
ved innkomsten. Under oppdraget i grendahuset siste helg hadde dei med seg Gunnar
Skogvold (20). Talentfull læregut i bransjen.

Kvartetten hadde ingen
nemneverdige problem i løpet av natta, til stor glede for arrangør og
utstillarar. Godt jobba, karar!