Kven gjekk flest turar til hytta på Brunstadkølen..?

Hytta på Brunstadkølen er av dei ferskaste trimmåla. Akkurat
folkevandring har det ikkje vore, men 225 noteringar er slett ikkje ille. Dei
fleste trudde sikkert posten hadde ein lokal vinnar. Det er ikkje tilfelle:
«First I take Holetindane, and than I take Brunstadkølen, hadde Nancy Eggen
sikkert sagt. Ho vann nemleg begge postane. Den årvakne lesar vil sikkert
stusse på at ho hadde 25 turar på Holetindane, men tre mindre (22) på
Brunstadkølen. Det kjem kort og greitt av at ho gjekk nokre av turane til
Holetindane med utgangspunkt frå Hole, og var såleis ikkje innom kølen.

Tredelt andreplass på posten – heller
ikkje vanleg kost. Dei tre på andreplass hadde færre turar tilsaman enn
vinnaren åleine, då lyder konklusjonen slik:

Dette er utklassing, Nancy!!

 BRUNSTADKØLEN, TRIMSESONGEN 2012/2013

22 turar: Nancy Eggen

7 turar: Arnt Brunstad, Kjell Magnar Berli og
Arnhild Linga

Intern postoversikt:

12. Hytta Brunstadkølen 225 noteringar
(Nancy Eggen, 22)

13. Høgsætra Fet 185 noteringar (Håkon
Fedt, 13)

14. Holetindane 122 noteringar (Nancy
Eggen, 25)