Viktig mål Bengt!

Thomas Fure og Bengt Hole
Alnes spela som vanleg frå start hos Stranda i den viktige botnkampen mot
Spjelkavik. Det stod 0-0 ved pause i målprotokollen, men 2-0 til Stranda i gule
kort.

I det 75. minutt vart
velledalingen Bengt Hole Alnes einaste målscorar i kampen. Eit uhyre viktig mål
som gjorde at Stranda bykste forbi både Spjelkavik og Larsnes/Gursken på
tabellen - og opp på trygg plass. Men alt i morgon kan Larsnes/Gursken skubbe
strandarane ned att på nedrykksplass om dei bankar nabo Bergsøy.

Det høyrer med til soga at
Stranda vann 3-1 i gule kort (Furset, Bernat og Skorgenes). Neste helg er Volda
motstandar på Mona stadion. Får vi sjå Bengt sitt sjette seriemål der, mot laget
som truleg har sykkylvingen Ole Thomas Kulseth i startoppstillinga?