Kor tung var sekken?

Vi har spurt Kjell Magnar
om dette, dagen etter løpet. Der han for øvrig kjenner seg overraskande «freesh».
Så sprek var han at han ikkje heilt hadde slege frå seg deltaking i Mefjellet
Opp (sju kilometer og 1100 høgdemeter) to dagar etter storløpet.

 
 -  Men sekken, Kjell
Magnar, kor tung var den?

 
 -  Den var tyngre
enn det som var nødvendig, kring seks kilo frå start. Men eg kunne i større
grad nytta meg av vasskjelder langs løypa, det fann eg ut i ettertid.

 
 -  Og ved målgang?

 
 -  Då var nok vekta
minst halvert, kanskje 2-3 kilo

 
 -  Fristar løpet til
gjentaking dagen etter du er ferdig?

 
 -  Trur nok eg vil
gjere det igjen. Eg kan greie dette ned på 10 timar ein stad. Rota nemleg vekk litt tid i området
Holetindane/Brunstadkølen der skodda var tett og eg hadde nokre småbom med
vegvalet.

 
 -  Ei generell
vurdering etter eit slikt løp.

 
 -  Problemet mot
slutten vart beina, ikkje pusten. Største problemet var å springe i unnabakkane
heilt mot slutten.

Og la det vere sagt til
slutt. Temperaturmessig var forholda optimale, elles ikkje. Kjell Magnar hadde
tett skodde på dei høgste fjella som han tok grytidleg om morgonen, og det var
mange stader både vått og glatt etter samanhengande regn i fleire dagar.