Konradløpet vinn nytt land

Pe-Tomasz gjorde unna tre Konradløp før han flytta tilbake til Polen. Så vidt vi veit har han enno den polske rekorden, på 19.50, sett i 2010. Bak Noreg, var Polen nasjonen med flest deltakarar i årets Konradløp. Truleg er dette i stor grad Pe-Tomasz sitt verk. Takk, Tomasz!!

   

Vi kan gle Tomasz med at rekorden hans overlevde årets løp. Nærast av polakkane var Olgierd Arski, som kom inn til 41. plass på tida 20.35. Han var einaste polakk inne på lista over dei 110 beste.

   

Same dag som Konradløpet gjekk av stabelen, sprang Tomasz halvmaraton i Chelmza i Polen. Han kom inn godt under to timar, til tida 1.54.48. På det eine fotoet spring han saman med sønene sine Karol og Antoni. Om eit par år kan han kanskje ta dei med til Konradløpet…?

   

Velledalen IL er sjølvsagt glade for at Pe-Tomasz promoterer løpet vårt i Polen. Kven veit, kanskje vil talet på polakkar auke alt til 2014-utgåva.

   

15.juni spring Pe-Tomasz Nibbeløpet i Geiranger.