Konrad påmeld i Konradløpet

Det dreier seg om Konrad Brunstad, som er son til Karl Egil Brunstad og soneson til Oline og Jon C. Brunstad. Dei som hugsar godt veit at Jon C. Brunstad både har vore leiar i VIL og aktiv idrettsmann. Både fotballspelar og skiløpar. Han gjekk mellom anna på Velledalen IL sitt lag som vann KM-stafetten over 4x10 kilometer i 1952.

   

Denne Konrad Brunstad
   frå Tingvoll med opphav frå Brunstad i Velledalen har som de skjønar nøyaktig same namn som opphavsmannen til løpet. Hittil er Konrad Brunstad den fyrste påmelde med Konrad som førenamn. Då reknar vi ikkje den nye maskotten til VIL som skal kaste glas over Minikonrad. Han heiter forresten Konrad Krokodille.

   

Konrad Brunstad deltek for fjerde gong 1.mai i 2013. Bestetida hans er 20.08, berre 13 sekund bak «Konradrekorden» til Konrad Lillebø frå Hessa i Ålesund.