Rekk Konrad Lillebø årets løp?

Konrad Lillebø frå Hessa i Ålesund er mannen med namnet Konrad som har best tid i Konradløpet. Tida er fine 19.55

   

Dette året skal Konrad Lillebø ha Konradmedaljen i gull om han stiller(6.gong). Det er det ikkje sikkert han gjer. Og han har god grunn. Det er nemleg berre kring ei veke sidan han kasta gipsen etter eit beinbrot. Såleis skjønar vi mannen ikkje har meir tid enn han treng.

   

«Konradrekorden» kan dermed ryke for Konrad Lillebø sin del. Eksempelvis til unge Konrad Brunstad (Nordmøre), som i 2012 sprang på 20.08. Vegen ned til rekorden er kort, men førebels er heller ikkje barnebarnet til Jon og Oline Brunstad påmeld.

   

Einaste deltakar med gratis deltaking så langt - på grunn av namnet - er råspreke Jarle Konrad Fausa.