Kjell Magnar i Birken-form

Halvbirken er 28 kilometer langt med start på Sjusjøen og mål på Birkebeineren Skistadion. Kjell Magnar vart nummer 166 i klasse 16-39 år med tida 1.27.53. Totalvinnar vart Simen Østensen på 1.03.14. I fjor debuterte Kjell Magnar på 4 timar og 29 minutt i det ordinære Birkebeinerrennet. Og her kjem det gledelege:

  I år Kjell Magnar kan du utan sprekk sprengje 4 timars grensa lett. Fordi Anniken Hjellbakk Hole, Sunnylven IL, gjekk Halvbirken på 1.24.03 (vart nummer 3 i klasse 16-39 år). Knappe fire minutt betre enn Kjell Magnar. Og Anniken plar gå laaangt under 4 timar i Birkebeinerrennet, så dette lovar godt.

   

Karstein Magne Jensen kom inn til flott 371. plass i klasse 40+ med tida 2.08.50. Komande laurdag legg han optimistisk i veg på 54 kilometer over fjellet frå Rena til Lillehammer. Hovudstyret i Velledalen IL er stolte av styremedlem Karstein.

   

Oda Alette Kjellsbøl Hole tok ein framifrå 47.plass i klasse K 16-39 år med tida 1.48.22. Ho har sine aner på farssida frå Velledalen, men representerer Gjelleråsen IF.