Katinka best pers av påmelde kvinner hittil

Postet av Velledalen Idrettslag den 10. Mar 2013

Vi skreiv for nokre dagar sidan at Per Inge Bjørnestad hadde best personleg rekord av dei påmelde hittil, med Kjell Magnar Berli som ein god nummer to.

Mellom kvinnene er Katinka Havnegjerde hittil den beste. Ho har gjort høgst respektable 20.57, noko som er den 34. beste kvinnetida gjennom dei elleve åra løpet har blitt arrangert.

Vi nemner at beste kvinne i 2012 var Ragnfrid Aamot med tida 19.36. Løyperekorden for kvinner er til samanlikning 18.46. Den er det Hilde Riksheim Tandstad som har. Ei tid ho faktisk har gjort to gonger.